У межах праекта «СЭРЦА маленькага беларуса» прадстаўнікі беларускага брэнда здароўя і прыгажосці sertsa® арганізавалі серыю візітаў у дзіцячыя дамы ў Дзівіне і Мінску.
Мэтай мерапрыемстваў стала падтрымка творчага патэнцыялу выхаванцаў і перадача падарункаў у дзіцячыя ўстановы. Падчас сустрэч каманда брэнда правяла інтэрактыўныя гульні. Акцэнт быў зроблены на інклюзіўнасць — усе актыўнасці былі адаптаванымі пад дзяцей з асаблівымі патрэбамі. Акрамя творчай праграмы, sertsa® перадало дзіцячым дамам карысныя падарункі перад сезонам хвароб – небулайзеры і тэрмометры.
Дзіцячая творчасць
У Дзівіне дзеці прадставілі работы, натхнёныя прыродай роднага краю: малюнкі з выявамі лясоў, рэк і традыцыйных сялянскіх сцэн. Іх творчасць адлюстроўвае глыбокую эмацыйную сувязь з малой радзімай і багацце беларускай культуры.
У Мінску выхаванцы стварылі урбаністычныя сюжэты: малюнкі сучаснага горада, футурыстычныя кампазіцыі. Многія работы прысвечаны тэме сям’і і дружбы.
Што далей?
Усе мастацкія работы можна паглядзець на выставе «Чароўны дзіцячы свет», якая пройдзе ў Мінску на Футбольным манежы 27-28 верасня 2025 года. Наведвальнікі выставы змогуць абраць фаварытаў і выбраць малюнкі, якія брэнд sertsa® надрукае на сапраўдных паштоўках.
